VOV4.Jarai - Tlam lơ 5/8, Khua dêh čar ơi Phạm Minh Chính tŭ jum ơi Roh Tae-Moon, Khua grup Samsung điện tử (Hàn Quốc) glăk rai čuă, mă bruă ƀơi dêh čar Việt Nam. Amăng mông bưp, Khua dêh čar ta pơsit tong Kơnuk kơna Việt Nam ƀuăn ngă gêh gal hloh, pơplih amăng bruă tuh pơ alin brơi hơdôm anom bruă mơng tač rơngiao lăi hrŏm hăng grup Samsung hnun mơn, bruă pơtô hrăm kiăng hơmâo mơnuih mă bruă thâo rơgơi djơ̆ hăng tơlơi kiăng mơng hơdôm anom bơwih ƀong sĭ mơdrô, anom bruă tuh pơ alin. Khua dêh čar čang rơmang Samsung tŏ tui pơgôp hiăp amăng hơdră bruă hăng pok prong hơdôm bruă tuh pơ alin, bơwih ƀong sĭ mơdrô, lăng Việt Nam lĕ anih yôm phun amăng rŏng lŏn tơnah amăng bruă pơkra pơjing, kơsem min - hơmâo lu dong gơnam pơkra rai ba sĭ mơdrô amăng jar kmar, pơgôp ngă tơlơi rô nao rai kơplah wah dua boh dêh čar hiam klă ƀiă dong, jai hrơi dơlăm tui, sit nik, tŭ yua.

Siu Đoan: Pơblang