Amăng mông bưp, Khua dêh čar ơi Phạm Minh Chính lăng yôm Khua apăn akŏ hăng khul SIA hơmâo lu bruă mă, tơlơi pơčeh phrâo djru brơi Việt Nam pơđĭ kyar gơnong bruă pơkra gơnam pơkĕ măi mok, pơlir hơbit lu anom bơwih ƀong sĭ mơdrô ding kơna SIA ĕp tơlơi gal amăng bơwih ƀong sĭ mơdrô, ngă hrŏm ƀơi Việt Nam. Khua dêh čar rơkâo SIA tŏ tui iâu pơthưr djop khul grup mơng dêh čar Mi ngă hrŏm, tuh pơ alin dơlăm ƀiă dong, ba glăi boh tŭ yua hăng Việt Nam amăng bruă pơkra gơnam pơkĕ măi mok, boh thâo ia rơgơi, boh thâo măi mok phrâo…anai lĕ bruă yôm phăn kơñ pơgi mơng ană mơnuih kah hăng pơđĭ kyar ƀơi rĭm boh dêh čar.

Hrŏm hăng anun, Khua dêh čar rơkâo Khua apăn bruă, hơdôm anom bơwih ƀong sĭ mơdrô mơng SIA jê̆ giăm hăng gong gai Mi tŏ tui pơtrut tơlơi rô nao rai hăng Việt Nam jai hrơi dơlăm, sit nik, ba glăi tŭ yua ƀiă dong, tañ tŭ yap Việt Nam jing dêh čar bơwih ƀong sĭ mơdrô hăng lui hĭ hơdôm tơlơi kŏm bơdjơ̆ nao sĭ mơdrô gơnam măi mok hăng Việt Nam.