Amăng mông mă bruă, Khua dêh čar hmư̆ Khua grup Adani lăi pơthâo kơ grup bơwih ƀong anai hăng pơlăi nao rai hơdôm akŏ bruă tuh pơ alin mơng Adani ƀơi Việt nam hăng tơlơi dưi ngă hrŏm kơñ pơgi, sit biă ñu tơdrun kŏmpăn Liên Chiểu Đà Nẵng, tơdron rơdêh por Chu Lai, sang măi apui lơtrik Vĩnh Tân 3…Adani čang rơmang gah Việt Nam ngă gêh gal, pơsir hĭ tơnap tap kơ hră pơ-ar bơdjơ̆ nao hơdôm akŏ bruă anai. Đĭ pơhiăp ƀơi anai, Khua đêh čar ơi Phạm Minh Chính hok mơ-ak hăng hơdôm boh than dưi ngă amăng bơwih ƀong sĭ mơdrô hăng tơlơi anăp nao mơng grup Adani amăng hrơi blan rơgao. Lăng yôm tơlơi ngă hrŏm, tuh pơ alin mơng grup anai ƀơi Việt Nam hăng čang rơmang pơđĭ kyar, pok prong pơ anăp dong.
Khua dêh čar pơsit tong, Việt Nam hok mơ-ak lơm grup nao tuh pơ alin amăng djop mơta bruă mơ̆ Việt Nam kiăng, anai lĕ anih anom apui lơtrik, jơlan glông, logistic. Khua dêh čar rơkâo khua mua amăng grup anai lơm pơčrông sai khŏm ngă yơh, hăng kiăng pơčrông lô tong ten bruă mă kiăng thâo tong ten djơ̆ mơnuih, djơ̆ bruă mă, gơnam pơkra rai, tơlơi glăm nai, ƀuăn ngă tui, kiăng pơtrut hơdôm akŏ bruă anai.
Viết bình luận