Khua dêh čar ơi Phạm Minh Chính nao čơkă, hok mơ-ak  biă lơ̆m hơmâo ơi Shiota Koichi hăng khua mua mơ̆ng tơring čar Kagoshima rai čuă Việt Nam, ƀrô djơ̆ hrơi dua boh dêh čar glăk ngă lơphet 50 thun hrơi akŏ pơdong tơlơi rô nao rai pơtom hiăp Việt Nam - Japan. Tui hăng Khua dêh čar, tơlơi rô nao rai ngă gŏp dlăm kơplah wah Việt nam - Japan glăk amăng hrơi blan pơđĭ kyar hiam klă. Dêh čar Japan ăt jing dêh čar ngă hrŏm bơwih ƀong yôm hloh mơ̆ng Việt Nam, jing dêh čar djru prăk ODA prong hloh, anom bruă tuh pơ alin hăng dêh čar hơmâo tuai hyu ngui lu tal 3, jing gŏp sĭ mơdrô prong tal 4 mơ̆ng Việt Nam.

Khua dêh čar ta lăi,kơplah wah tơring čar Kagoshima hăng hơdôm boh tơring čar mơ̆ng Việt Nam hơmâo tơlơi gêh gal dưi pơdjru nao rai, tơlơi hơmâo či ngă hrŏm ăt dŏ prong đôč. Khua dêh čar rơkâo kơ Khua tơring čar hăng gong gai tơring čar Kagoshima pơtrut pơsur anom bơwih ƀong mơ̆ng tơring čar tuh pơ alin lu hloh ƀơi Việt Nam amăng hơdôm bruă tơring čar bơwih ƀong hơmâo kah hăng rơdêh ôtô, điện tử bán dẫn, ngă hmua, pơkra gơnam mơ̆ng hmua hăng măi mok pơkra gơnam.