Khua dêh čar ơi Phạm Minh Chính pơsit dêh čar Việt Nam lăng yôm biă tơlơi gơgrong bruă mơ̆ng Sang gum hơbit djŏp dêh čar amăng pơtrut ngă hrŏm lu bơnah pơsir hĭ hơdôm tơlơi hơmâo ƀơi rŏng lŏn tơnah. Khua dêh čar brơi thâo, dêh čar Việt Nam glăk akŏ pơdong, pơđĭ kyar lŏn ia kiăo tui 3 gong tơmeh phun anun lĕ akŏ pơdong Kơnuk kơna tơlơi phiăn xã hội chủ nghĩa, mơnuih ƀôn sang ngă pô hăng tơlơi bơwih ƀong kiăo tui jơlan xã hội chủ nghĩa; pơtrut hơmâo 3 tơlơi pơplih prong kơ tơlơi phiăn, mơnuih mă bruă hăng anih anom.

Kơ-iăng khua čih pioh sang gum hơbit djŏp dêh čar lăng yôm hơdôm tơlơi hơmâo ngă mơ̆ng Việt Nam amăng pơđĭ kyar bơwih ƀong huă - mơnuih mơnam laih anun rŭ pơdong glăi tơdơi kơ klin Covid-19 tui jơlan hơđong kơjăp. Tui hăng tơlơi hơmâo ƀơi rŏng lŏn tơnah ră anai, dua bơnah lăi nao tơlơi bơngơ̆t mơ̆ng hơdôm tơlơi bơbeč djơ̆, tơlơi lông lăng ƀơi rŏng lŏn tơnah ăt kah hăng bruă kơsung blah, ayuh hyiăng pơplih, pơđĭ mă nua gơnam.