Ƀơi mông bưp, mơnuih pơtruh ngă giăng mah dêh čar Khač hơdor glăi rơnuk đưm, ƀu thâo wơr ôh hăng Khua mir sir Hồ Chí Minh, hăng lŏn ia laih anun ană mơnuih Việt Nam. Yă Trần Tri Tiến, ană đah kơmơi Khua tơhan ơi Trần Canh lăi rơđah, tơlơi rô nao rai giăng mah dua bơnah hơmâo mơ̆ng đưm hlâo laih, ñu ol kơdol lơ̆m hơdor glăi thun blan mă bruă đưm mơ̆ng Khua tơhan Trần Canh hăng Việt Nam, laih anun Wa Hồ. Ama ñu hơmâo Ping dêh čar Khač pơkiăo nao djru kơ dêh čar Việt Nam laih anun Wa Hồ jing mơnuih ama ñu pơpŭ hloh; hơdor glăi thun blan hơmâo bư̆p Wa Hồ jing hrơi hiam hloh mơ̆ng ama ñu. Ñu kiăng tơlơi jê̆ giăm mơ̆ng rơnuk đưm akŏ pơdong amra hơmâo ngă na nao, jai hrơi kơjăp tui.

Pơ ala kơ Khua mua Ping gah, Kơnuk kơna, Khua dêh čar ta tơña bla, bơni bơ-ơč kơ ƀing wa, ƀing ayong, ƀing amai lêng kơ hiam drơi jăn pran jua, yâo mơ-ak, akŏ pơdong hăng pơbuă tui dong tơlơi rô nao rai giăng mah kơplah wah Việt Nam hăng dêh čar Khač.