Čơtlăm lơ 13/12, tơdơi kơ mông ngă Lơphet čơkă ƀơi điện Egmont mơtăm, dua Khua dêh čar hmâo pơphun bơkơtuai. Amăng mông bơkơtuai, dua gơñu hmâo tŭ ư hơdôm jơlan gah, bruă mă prong pioh pơtrut kơtang abih bang gum hrom kơplah wah dua bôh dêh čar, biă ñu lĕ ngă dơlăm gum hrom amăng rơwang gum hrom khom ngă gah đang hmua, pơtrut kơtang gum hrom tuh pơplai, sĭ mơdrô hăng tui hơdôm bruă gal pơkon.

Dua bơnah tŭ ư hrom pok prong gum hrom kơplah wah dua bôh dêh čar amăng hơdôm bruă pơgang lŏn ia - rơnuk rơnua plơi pla, pơtô juăt, bôh thâo, biă ñu pơphun Hrơi bôh thâo ƀơi rim bôh dêh čar kiăng kơtưn đĭ tơlơi thâo hluh nao rai, bơkơtuai nao rai mơnuih ƀôn sang, tuai čuă ngui hăng pơtrut kơtang gum hrom pơsir hơdôm tơlơi lông đơ đam rŏng lŏn tơnah. Khua dêh čar ta rơkâo Kơnuk kơna Bơl-gum lăng ba, ngă gal brơi dong kơ mơnuih Việt Nam ƀơi Bơl-gum mut hrom truh kih hăng djru pơđĭ kyar bơwih ƀong - mơnuih mơnam Bơl-gum, lăng anai lĕ glông tô nao rai pơtrut tơlơi gum hrom kơplah dua bôh dêh čar./.