VOV4.Jarai - Mơguah lơ 26/4, ƀơi sang bruă Kơnuk kơna, Khua dêh čar ơi Phạm Minh Chính git gai Jơnum lok 2 mơng Jơnum min Dêh čar kơ pơplih yua mrô. Mông jơnum hơmâo lăng mơng ataih, pơtruh hăng 63 boh tơring čar, ƀon prong. Pơhiăp ƀơi mông jơnum, Khua dêh čar Phạm Minh Chính lăi, pơplih yua mrô jing bruă ngă yôm biă mă, nao hrŏm hăng 3 gong tơmeh phun anun lĕ Kơnuk kơna yua mrô, tơlơi bơwih ƀong hăng abih bang mơnuih yua mrô. Ping gah, Kơnuk kơna, Khua dêh čar lăng yôm biă kơ bruă pơplih mă yua mrô, anăp nao Kơnuk kơna yua mrô, tơlơi bơwih ƀong mrô, mơnuih ƀon sang yua mrô. Khua dêh čar kiăng lăng glăi djŏp tơlơi phiăn yua dah anai lĕ 1 amăng 3 tơlơi pơplih prong dưi pơsit brơi tơlơi phiăn; pơhrua tui, ngă pơgiong tơlơi phiăn khŏm hơmâo boh thâo măi mok, biă ñu lĕ boh thâo pôr pơhing, pơđĭ kyar boh thâo mrô, mă yua mrô; khŏm pơhrui tơlơi hơmâo, mơnuih mă bruă; ngă hrŏm kơnuk kơna hăng mơnuih ƀon sang, jak iâu tơlơi gum djru mơng mơnuih ƀon sang. Bruă hơmâo ba tơbiă lĕ khŏm wai lăng hiư̆m pă đah mơng mă yua mrô tui rơnuk phrâo wơ̆t hăng djơ̆ tui rơnuk anai, djơ̆ hăng tơlơi bơwih ƀong, tơlơi rơgơi; laih dong pơđĭ tui anŏ klă mơng mơnuih mă bruă.       

Siu H’Mai: Pơblang