Đĭ pơhiăp amăng mông jơnum, Khua dêh čar Phạm Minh Chính lăi pơtong, chứng khoán Việt Nam lĕ anih blơi hăng sĭ mơdrô lu prăk kak hloh, anai lĕ anih phun amăng mă bruă prăk kak lăi phara hăng tơlơi bơwih ƀong huă anăp nao xã hội chủ nghĩa ƀơi dêh čar ta; anai lĕ plang tuh pơ alin tui hluai hor, pơhưč lu mơnuih; anai lĕ anih jak iâu tuh pơ alin gap ƀrô hăng sui thun brơi kơ anom bơwih ƀong sĭ mơdrô; pơgôp yôm phăn pơtrut pơplih amăng bơwih ƀong huă, pơčruih ngăn amăng anom bơwih ƀong sĭ mơdrô kơnuk kơna, pơplih hơbô̆ bruă pơđĭ kyar, pơđĭ kyar bơwih ƀong huă-mơnuih mơnam.

Kơ bruă jao, hơdră bruă phun pơ anăp anai, Khua dêh čar rơkâo Ding jum prăk kak, Jơnum min chứng khoán Kơnuk kơna gum hrŏm hăng sang bruă prăk Kơnuk kơna, Ding jum kơčăo bruă hăng tuh pơ alin hrŏm hăng djop ding jum, gơnong bruă bơdjơ̆ nao đing nao pơjing hăng pok pơhai mơtăm hơdôm jơlan hơdră bruă mă tong ten amăng ngă tui hơdră pơđĭ kyar chứng khoán truh thun 2030.