Amăng mông bơkơtuai, dua bơnah hmâo lăi pơthâo nao rai tơpă, hluai tui pran jua pơdŏng, lăi pơthâo tơlơi pơmin, pơčeh phrâo, hơdôm jơlan pơsir kiăng bruă tuh pơplai, bơwih ƀong sĭ mơdrô mơ̆ng Việt Nam, pơtrut kơtang gum hrŏm bơwih ƀong – tuh pơplai kơplah wah dua bôh dêh čar.

Khua dêh čar ta ơi Phạm Minh Chính pơsit yôm hăng bơni hơdôm tơlơi lăi pơthâo tơpă, sit nik mơng hơdôm bôh anom bơwih ƀong Hàn Quốc kơ tơlơi bơwih ƀong sĭ mơdrô ƀơi Việt Nam hăng pơkôl tuh pơplai ƀơi Việt Nam amăng hơdôm bruă phrâo. Anai jing tơlơi brơi ƀuh rơđah gru tơlơi gum hrŏm, đăo gơnang, thâo hluh nao rai hăng lăi pơthâo mơng hơdôm bôh anom bơwih ƀong Hàn Quốc pioh kơ Việt Nam tui pran jua tŭ yua lăp djơ̆, ƀu bưng gum nao rai, pơsit pran yak rơgao tơlơi tơnap pioh pơđĭ kyar. Amăng mông rŏng lŏn tơnah pơplih tañ, glêh tơnap, ƀu thâo him hlâo, Việt Nam bơni biă tơlơi gum hrŏm klă mơ̆ng ƀing tuh pơplai dêh čar tač rơngiao, biă ñu lĕ hơdôm bôh anom bơwih ƀong Hàn Quốc./.