Khua dêh čar ta pơtŏng sit bơnah gah Việt Nam amra gum hrŏm kơjăp, ngă gal brơi hăng djru Khua anih jưh pơ ala ngă giong klă bruă jao, djru pơtrut bruă giăng mah, gum hrŏm kơplah wah dua bôh dêh čar pơđĭ kyar jai hrơi jai sit nik, pơhlôm abih bang, ba glăi bôh tơhnal hloh.

Khua dêh čar ta amăng rơwang bruă mơ̆ng pô, Khua anih jưh pơ ala đing nao gum hrŏm hăng hơdôm bôh ƀirô bơdjơ̆ nao mơng Việt Nam hăng Brunei pơtrut lăi pơthâo nao rai dong grŭp gưl dlông hăng hơdôm gưl, gum hrŏm amăng hơdôm bruă bơkơtuai lu bơnah; pel ĕp na nao, pơtrut hăng pok pơhai bôh tơhnal hơdôm tơlơi pơkôl mơ̆ng Khua mua gưl dlông; gum hrŏm pok pơhai ba glăi bôh tơhnal Jơlan hơdră pok pơhai bruă gum hrŏm abih bang Việt Nam hăng Brunei rơwang mơ̆ng thun 2023-2027, đing nai 4 bruă yôm phăn anun lĕ ia jâo hyuh, put jrao, pơkra gơnam ƀong huă Halal, tuai čuă ngui hăng bơkơtuai mơnuih ƀôn sang./.