VOV4.Jarai - Mơguah lơ 29/5, bruă hơmâo tơguăn hloh amăng thun anai mơng mơnuih ngă hmua Việt Nam sit nik pơphun laih hăng tơlơi git gai mơng Khua dêh čar ơi Phạm Minh Chính. Jơnum Khua dêh čar pơhiăp tom mơnuih ngă hmua Việt Nam hăng anăn “Pơtrut tui pran, djru ba mơnuih ngă hmua, rŭ glăi, pơđĭ kyar ngă hmua, plơi pla hơđong kơjăp” yua Khul mơnuih ngă hmua Việt Nam, ngă hrŏm hăng Ping gah tơring čar, Jơnum min mơnuih ƀon sang tơring čar Sơn Lan pơphun ngă.

Pơhiăp klah čun mông jơnum, Khua dêh čar Phạm Minh Chính lăi nao hơdôm bruă, tơlơi bơkơtuai ƀơi mông Jơnum pơtom hiăp đah mơng hơmâo tui tơhnal pơđĭ kyar ngă hmua, plơi pla hơđong, pơđĭ tui tơlơi hơdip mơnuih ngă hmua. Kơ hơdôm bruă kiăng ngă, hơdră pơsir, Khua dêh čar lăi rơđah 9 mơta bruă, amăng anun lăi: Kiăng ngă tui khut khăt hăng pok pơhai ngă tŭ yua hơdôm tơlơi pơtrun mơng Ping gah; pơđĭ tui tơlơi gơgrong bruă, tơlơi kơdrưh kơ-ang, tơlơi dưi ngă pô mơng mơnuih ngă hmua, biă ñu lĕ tui jơlan “mơnuih ngă hmua jing mơnuih thâo rơgơi” đah mơng dưi mă yua boh thâo pơkra gơnam, sĭ mơdrô hăng dưi ngă pơdrong mơng bruă hmua.

Siu H’Mai: Pơblang