Pơhiăp amăng mông jơnum, Khua dêh čar ơi Phạm Minh Chính lăi pơthâo kơ tơlơi jơnum mơak, puăi rơhmač hăng tŭ yua lơ̆m bơkơtuai hăng khua dêh čar Hà Lan, Mark Rutte. Khua dêh čar lăi, Hà Lan lĕ dêh čar hơmâo lu tơlơi thâo thăi amăng bruă tuh pơ alin ƀơi Việt Nam. Hà Lan jing dêh čar tuh pơ alin lu hloh amăng lu dêh čar kual EU bơwih ƀong huă ƀơi Việt Nam, ăt jing bơnah sĭ mơdrô prong dong tal dua mơ̆ng Việt Nam ƀơi kual Mi kô̆.

Pơ anăp anai, hăng tơlơi gir run lu hloh, khut khăt ngă hrom mơ̆ng dua bơnah laih anun kiăo tui pran jua mă bruă giăng mah kjăp hơđong mơ̆ng mơnuih ƀôn sang dua bơnah, Khua dêh čar đăo sit, bruă ngă hrom tuh pơ alin-sĭ mơdrô ăt amra jing tơmeh phun yôm kơ bruă ngă giăng mah Việt Nam-Hà Lan, laih dơ̆ng pran kơtang pioh ba tơlơi ngă giăng mah dua bơnah dêh čar đĭ nao amăng rơnuk phrâo tŭ yua.