VOV4.Jarai - Mơguah lơ 17/3, Khua dêh čar ơi Phạm Minh Chính nao pơhmư̆ mông Jơnum Jŭ yap abih bang amăng dêh čar thun 2022 hăng anăn ñu “Pơtrut ngă tui tơlơi phiăn, tơlơi pơkôl pơkă, pơđĭ tui anŏ tŭ yua”. Mông jơnum hơmâo pơtruh nao rai hăng 63 boh tơring čar, ƀon prong amăng dêh čar. Tơdơi kơ hmư̆ tơlơi pơgôp hiăp, pơhiăp ƀơi mông jơnum, Khua dêh čar ơi Phạm Minh Chính lăi, bruă jŭ yap yôm biă mă, biă ñu amăng bruă pơtŏng glăi, pơsit hơdră ngă bruă. Pơtŏng glăi, pơsit hơdră ngă bruă khŏm kiăo tui anŏ hơmâo sit nik, djơ̆ lăp, hmao tlôn, djru kơ bruă pơtŏng glăi djơ̆ lăp hăng tơlơi hơmâo ră anai, ba tơbiă hơdôm jơlan ngă bruă lăp djơ̆, sit nik, tŭ yua. Hơdôm tơlơi anai hơmâo mơng bruă jŭ yap, yua anun Ping gah, Kơnuk kơna lăng yôm biă kơ bruă jŭ yap glăi amăng bruă pơđĭ kyar bơwih ƀong huă - mơnuih mơnam.

Siu H’Mai: Pơblang