Bruă pơkra giong hăng mă yua glông hrĕ apui lơtrik 500 kv ară 3 mơng Phố Nối-Quảng Trạch yôm phăn biă mă. Khua dêh čar git gai djop ding jum, gơnong bruă, gong gai ƀon lan, hơdôm anom bruă, ƀing kỹ sư, kông ñơn, mơnuih mă bruă gir run ƀiă dong, pơtrut pơkra djơ̆ hrơi mông pơkă, hrưn đĭ klă ƀiă, pơhlôm rơnuk rơnua, wai pơgang jum dar; pơhlôm brơi bruă mă hăng tơlơi dưi mơng hơdôm anih anom bơdjơ̆ nao; pơhlôm brơi tơlơi dưi djơ̆ hăng tơlơi phiăn brơi mơnuih ƀôn sang ƀơi hơdôm anih glông hrĕ apui lơtrik găn nao.
Jao kơ-iăng Khua dêh čar ơi Trần Hồng Hà git gai hăng jao rĭm bruă brơi hơdôm ding jum, gơnong bruă, gong gai ƀon lan, khua dêh čar ơi Phạm Minh Chính rơkâo pơkra hrĕ apui lơtrik djơ̆ hăng hrơi mông pơkă hăng kiăo tui lăng, pel ĕp, pơtrut pơsur rĭm hrơi, rĭm wŏt hrơi tơjuh kiăng tañ pơgiong, pơhlôm pok mă yua glông hrĕ apui lơtrik 500 kv ară 3 Phố Nối-Quảng Trạch hlâo kơ lơ 30/6.
Viết bình luận