Tui anun, kiăng ngă truh kih hơdôm hơnong pơkă mơng akŏ bruă pơđĭ kyar bơwih ƀong huă-mơnuih mơnam thun 2024, laih dong pơjing tơlơi hning rơngŏt jing bruă mă lơm khua git gai Ping gah dêh čar ơi Nguyễn Phú Trọng rơngiă, Khua dêh čar rơkâo ƀing khua ding jum, khua mua djop anom bruă bơkơnar ding jum, anom brua wah Kơnuk kơna, Khua Jơnum min mơnuih ƀôn sang hơdôm boh tơring čar, ƀôn prong gah gơnong glông tŏ tui đing nao pơsir hĭ hmao tlôn tơnap tap brơi mơnuih ƀôn sang hăng anom bơwih ƀong sĭ mơdrô; Ding jum prăk kak pok pơhai tŭ yua hơdôm hơdră pơhrơ̆i duh prăk mă jia, prăk yua lŏn mơnai, pơhrŏ mă jia mơng sĭ mơdrô gơnam tam, pơhrŏ duh pơkŏn hơmâo ba tơbiă; ječ ameč kơsem min anŏ bơdjơ̆ nao, pơgiong, rơkâo đĭ Kơnuk kơna hơmâo tơlơi pơtrun kkơ bruă rơnoh duh hlâo ngă hră pơ-ar mơng rơdêh ôtô pơkra pơjing amăng lŏn ia amăng blan 7/2024.

Djop ding jum, anom bruă, gong gai ƀon lan hruă kjăp, lăng bruă jao prăk tuh pơ alin man pơdong lĕ bruă yôm phun; kiăo tui tơlơi pơkă jao trun prăk tong ten brơi hơdôm akŏ bruă kiăng đing nao git gai khut khăt ƀiă dong amăng pok pơhai ngă tui jơlan hơdră hơnong pơkă dêh čar.