Anai jing glông jơlan phun pơtruh nao rai kual Yŭ truh pơ kual Ngŏ mơ̆ng Ninh Bình, laih dong pơtruh hăng hơdôm glông jơlan phun mơ̆ng dêh čar, kah hăng jơlan rơdêh đuăi hmar Kơdư - Dơnung gah Ngŏ, jơlan Hồ Chí Minh, Jơlan 1A, jơlan ter hang ia rơsĭ (mơng Thanh Hoá - Ninh Bình - Nam Định - Thái Bình - Hải Phòng - Quảng Ninh), jơlan rơdêh treng Kơdư - Dơnung..., jing hơmâo glông jơlan phun, pơtruh nao rai hăng abih bang jơlan nao rai amăng tơring čar.

Kơčăo bruă hơmâo tơring čar Ninh Bình pơsit jing ring bruă yôm, khŏm ngă giong tañ hloh kiăng pơplih phrâo kơtang amăng bruă pơđĭ kyar bơwih ƀong huă - mơnuih mơnam mơ̆ng tơring čar ƀơi anăp laih anun lăng nao pơ ataih, sui thun. Ƀơi anai Khua dêh čar ơi Phạm Minh Chính kiăng tơring čar Ninh Bình pơƀut man pơka jơlan Ngŏ - Yŭ mơ̆ng tơring čar; gir tañ ngă giong glông jơlan glăk ngă; hăng lu glông jơlan dŏ glăi pơtruh hăng tơring čar Hoà Bình hăng hơdôm glông jơlan ter hang ia rơsĭ.