Kiăo tui anun, Khua dêh čar ta rơkâo amăng rơwang anai, đơ đam dêh čar khom ngă rim thun pơkrem hmâo ƀiă biă mă ñu 2% mrô apui mă yua; hrŏ trun rơngiă đôč apui amăng abih bang glông hrĕ pơkĕ apui yŭ 6% amăng thun 2025. Hrưn đĭ truh thun 2030 hmâo 50% hơdôm bôh sang mă bruă čar hăng 50% mrô sang mơnuih ƀôn sang mă yua apui pơkĕ hăng pơ-iă yang hrơi pơkĕ hăng mă yua mă pô.

Truh abih thun 2025, abih bang hơdôm apui pơčrang rơđah ƀơi jơlan mă yua apui LED. Kiăng hmâo bôh tơhnal anai, Khua dêh čar rơkâo djop khul grŭp, mơnuih tơpă, khom pok pơhai bruă pơkrem apui. Rơđah biă ñu, hơdôm ding jum, ƀirô dưm kơnar hăng ding jum, ƀirô gah Kơnuk kơna, Jơnum min mơnuih ƀôn sang tơring čar, ƀôn prong, hơdôm bôh anom bơwih ƀong hăng khul grŭp - mơnuih mơnam ngă tui jơlan gah pơkrem apui lơtrik./.