Mông jơnum dưi ngă tui hơdră lăng nao rai mơ̆ng ataih kơplah wah ƀơi anih phun Ƀirô mă bruă Gong gai dêh čar hăng 63 bôh tơring čar, ƀôn  prong. Klah čun mông jơnum, Khua dêh čar ta, ơi Phạm Minh Chính lăi lĕ, tơdơi kơ 10 thun pok pơhai ngă tui Tơlơi pơtrun pơsit mrô 22 hmâo pơjing laih yak pơplih prong.

Pran gơgrong bruă kơđi čar, tơhnal gal mơ̆ng lŏn ia dưi pơđĭ tui. Tơlơi rô nao rai hăng jar kơmar pok prong. Ƀô̆ mơta lŏn ia sit nik pơplih klă, GDP đĭ lu 2 wot bơhmu hăng 10 thun hlâo. Khua dêh čar ta lăi rơđah hơdôm hrơi dô̆ glăi ƀiă lĕ truh mông Grŭp črâo ba khom ngă giong bruă klah čun, lăi pơthâo glăi kơ Ding jum kơđi čar. Kiăng pơtrut tañ hloh dong rơnoh pok pơhai bruă klah čun, Khua dêh čar ta rơkâo Grŭp črâo ba hăng Grŭp dăp hơdră đing nao, tañ pơsit rơđah gơnam tuč rơnuč mơ̆ng akô̆ bruă klah čun, anun lĕ pơphô brơi Ding jum kơđi čar mă yua sa hră pơ-ar črâo ba bruă mut hrŏm jar kơmar amăng rơnuk phrâo./.