VOV4.Jarai - Mơguah lơ 3/8, ƀơi Ƀirô mă bruă Kơnuk kơna, Khua dêh čar ta ơi Phạm Minh Chính git gai mông jơnum Kơnuk kơna kơ tơlơi bơwih ƀong mơnuih mơnam blan 7 hăng 7 blan thun 2022; tơlơi pok pơhai ngă tui Tơlơi pơtrun pơsit mrô 01 mơng Kơnuk kơna; Tơlơi pok pơhai Jơlan hơdră hơkrŭ glăi hăng pơđĭ kyar bơwih ƀong – mơnuih mơnam hăng bruă pơgang pơgăn klin covid-19.

Pơhiăp amăng mông jơnum, Khua dêh čar ơi Phạm Minh Chính lăi rơđah, blan 7 hăng 7 blan rơgao bruă bơwih ƀong prong hơđong, wai lăng nua gơnam tam, pơhlôm đĭ kyar, pơhlôm anô̆ ngă dưm kơnar, pơlir hrom mơnuih mă bruă hơkrŭ glăi tañ; hơđong bruă kơđi čar, hơđong pơhlôm mơnuih mơnam, rơngai, dưi pô, pơhlôm đơ đam lŏn ia dưi wai lăng; bruă pơtom hiăp dưi pơtrut đĭ. Gah bruă mă blan 8 hăng hơdôm blan tô̆ tui, Khua dêh čar ta lăi rơđah, tơlơi ăt ngă tơnap mơn, ƀu thâo him lăng ôh; pơsit lĕ tơnap, tơlơi lông lu hloh anô̆ gal; ƀu dưi lui raih ôh, lăng djơ̆ pran ôh, pơsit bruă mă pơ̆ anăp lĕ kơtrâ̆o; yua anun khom đing nao pơblang, pơsit tơlơi amăng hăng gah rơngiao kơ dêh čar djơ̆ kiăng ba tơbiă jơlan pơsir djơ̆./.

Siu H’ Prăk: Pơblang