VOV4.Jarai - Ƀrô djơ̆ tal “Hrơi pơplih mrô sang prăk” yua kơ Sang prăk Kơnuk kơna Việt Nam pơphun, lơ 4/8, Khua dêh čar ta ơi Phạm Minh Chính hmâo mă bruă laih hăng Khua Sang prăk Kơnuk kơna hăng khua mua hơdôm bôh sang prăk sĭ mơdrô. Khua dêh čar ta rơkâo hơdôm sang prăk gir run pơkrem hrŏ trun prăk mă yua, hrưn đĭ hrŏ trun kơmlăi, prăk apah brơi čan, gum djru tơlơi tơnap, ƀu bưng, djru anom bơwih ƀong hăng mơnuih čan prăk hăng bruă bơwih ƀong amăng hơdôm hrơi tơnap tap, tơlơi lông ră anai. Hơdôm sang prăk khom gơgrong hlâo, ngă klă hloh dong amăng gum hrom hơdôm hơdră bruă, jơlan hơdră, kơčăo bruă pơđĭ kyar bơwih ƀong – mơnuih mơnam mơng Ping gah hăng Kơnuk kơna, biă ñu prăk čan pơđĭ kyar sang dô̆ kơ mơnuih mă bruă, mơnuih hmâo prăk pơhrui glăi ƀiă. Khua dêh čar ta jao kơ sang prăk kơnuk kơna pơdong hơdră pơkă, hơdră bruă kiăng hơdôm bôh sang prăk rŏng gơgrong pô, gum hrom, ngă tui hăng pran jua ngă tui pran jua anom bơwih ƀong, bruă gơgrong mơnuih mơnam hăng pran jua plơi pla, lŏn ia, mơnuih ƀôn sang./.

Siu H’ Prăk: Pơblang