VOV4.Jarai - Khua dêh čar ta ơi Phạm Minh Chính phrâo hmâo kông điêng kơ bruă pơdong glông bruă pok bah amăng pơhlôm, hmâo akô̆ tlôn, ba glăi bôh tŭ yua čơkă tuai mơng dêh čar tač rơngiao. Kiăo tui anun, Khua dêh čar ta rơkâo Ding jum bôh thâo, bơkơjăp drơi jăng hăng tuai čuă ngui git gai, gum hrom hăng hơdôm Ding jum: Ia jrao, Khul ling tơhan, Kông ang, Pơtom hiăp, jơlan nao rai dŭ pơgiăng, Tơlơi pơhing hăng pôr pơhing, hơdôm ding jum, gơnong bruă bơdjơ̆ nao hăng hơdôm tơring čar, ƀôn prong tañ pơdŏng hăng pok pơhai ngă tui kơčăo bruă, glông bruă, jơlan gah pok bah amăng tuai čuă ngui pơhlôm, hmâo akô̆ tlôn, ba glăi bôh tơhnal. Jơnum min mơnuih ƀôn sang hơdôm bôh tơring čar, ƀôn prong gơgrong hlâo gum hrom hăng Ding jum bôh thâo, bơkơjăp drơi jăng hăng tuai čuă ngui, Ding jum ia jrao hăng hơdôm ƀirô bơdjơ̆ nao pơdong, mă yua kơčăo bruă rơđah rơđông kiăng pơphun ngă tui; prăp lui bôh thâo gah ia jrao, mơnuih mă bruă, gơnam mă yua, gơgrong hlâo hơdôm jơlan gah, bruă pơhlôm pơgang, pơgăn klin hăng pơsir tơlơi truh gah ia jrao phrâo hmâo./.

Siu H’ Prăk: Pơblang