Bruă jơnum ngă pơhưč ha rơbâo čô čơđai sang hră, ƀing hrăm gưl dlông, nai pơtô gưl dlông, pô tuh pơplai, mơnuih juăt bruă. Khua dêh čar pơdah pran jua ư-ang lơm hmâo 42.000 rơwang bruă pơphun bruă mă phun hmâo mơ̆ng čơđai sang hră, ƀing hrăm gưl dlông, lu rơwang bruă jing anom bơwih ƀong truh kih, mă yua măi mok amăng bruă đang hmua hơdjă, bruă ia jrao, pơplih mrô.

Khua dêh čar pơtŏng sit, anih anom pơphun bruă khom pơmin nao sui thun, khom ngă giong jơlan pơkă hơdră bruă, biă ñu gah prăk kak, bôh thâo ia rơgơi; pơđĭ kyar keh prăk djru čơđai gưl dlông mơ̆ng ngăn rơnoh pơplih phrâo mơnuih mơnam. Khua dêh čar čang rơmang rơnuk hlăk ai – hơdip amăng rơnuk mă yua mrô – amra jing pô phun amăng pơđĭ kyar bôh thâo măi mok, pơplih phrâo pơčeh phrâo hăng pơplih mrô lŏn ia, djru ngă brơi Việt Nam pơđĭ kyar tañ hăng kơjăp phik./.