Khua dêh čar ta ơi Phạm Minh Chính pơtŏng sit Ping gah, Kơnuk kơna hăng mơnuih ƀôn sang dêh čar Việt Nam lăng yôm na nao hăng pioh tơlơi đing nao hlâo kơ tơlơi rô nao rai giăng mah prong prin, gum hrŏm hơbit phara hăng gum hrŏm abih bang Việt Nam – Lao, lăng anai lĕ kông ngăn yôm phăn, rơkâo djơ̆, đing nao hlâo, ruah mă yôm hăng jing bôh than dô̆ gơgrong hăng bruă ngă hơkrŭ mơ̆ng 2 bôh dêh čar, khom djă pioh kơ hơdôm rơnuk pơgi kơdih anai.

Dua gơñu tŭ ư hrŏm pơ̆ anăp anai, dua bơnah khom đing nao ngă tui ba glăi bôh tơhnal hơdôm tơlơi pơkôl gum hrŏm kơplah wah dua bôh dêh čar, biă ñu bôh tơhnal bruă pơbưp nao rai dua Ding jum kơđi čar Việt Nam - Lao jê̆ hăng anai ƀơi Hà Nội; Kơtưn đĭ hloh dong tô nao rai dua bôh dêh čar Việt Nam - Lao hăng kơplah wah Việt Nam - Lao - Kur; lăi pơthâo na nao tơlơi găn rơgao, tơlơi pơhing, gum hrŏm kơjăp hăng dŏng yua tơdruă ƀơi hơdôm mông bơkơtuai jar kơmar hăng amăng kual./.