Amăng mông bơkơtuai, Khua dêh čar ta ơi Phạm Minh Chính bơni tal rai čuă mơ̆ng Khua git gai pơ ala mơnuih ƀôn sang gơnong yŭ dêh čar Malaysia. Dua gơñu hmâo tŭ ư jơlan gah gum hrŏm yôm phăn pơ̆ anăp kiăng ngă brơi tơlơi rô nao rai dua bôh dêh čar đĭ truh rơnoh dlông phrâo.

Khua dêh čar ta rơkâo dua bôh dêh čar hơkrŭ đĭ dong pran đăo kơnang bruă kơđi čar hluai tui kơtưn bơkơtuai grŭp gưl dlông, hơdôm gưl hăng amăng abih bang hơdôm glông jơlan; ngă hiưm hơpă pơhrui glăi gơnam sĭ nao rai dua bơnah hmâo 18 klai dolar Mi tui jơlan gah dưm kơnar; ngă gal blơi sĭ nao rai hơdôm mơta gơnam dua bơnah hmâo anô̆ gal hăng pran kơtang; rơkâo Malaysia djru Việt Nam pơđĭ kyar bruă măi mok Halal hăng tañ kĭ hră pơ-ar gum hrŏm amăng bruă anai. Dua bơnah ăt tŭ ư gum hrŏm kơjăp mơn tơdruă hăng hơdôm bôh dêh čar kual ASEAN pơkon pơjing sa ASEAN gum hrŏm hơbit, pơlir hơbit, kơtưn gum hrŏm amăng khul, ngă tui bruă phun pơsir hơdôm tơlơi amăng kual; tŭ ư hrŏm djă pioh tơlơi pơmin mơ̆ng ASEAN amăng tơlơi Ia Rơsĭ Ngŏ...