VOV4.Jarai - Čơtlăm lơ 19/4, Khua dêh čar ta ơi Phạm Minh Chính bơkơtuai hăng ơi Om Birla, Khua git gai wai lăng pơ ala mƀs gơnong yŭ India ƀrô djơ̆ tal ñu rai čuă dêh čar Việt Nam. Khua dêh čar ta ơi Phạm Minh Chính pơsit, Việt Nam bơni na nao, ngă gal brơi kơ hơdôm bôh anom bơwih ƀong dêh čar India pơtrut kơtang tuh pơplai kơ ia jrao gun, anom mă bruă, hơdră pơkra, pơjing, hơdră bôh thâo măi mok, hơdră phrâo sinh học, apui pơkra glăi, bruă đang hmua tui hơdră phrâo, pơplih phrâo pơčeh phrâo...

Khua dêh čar ta ơi Phạm Minh Chính bơkơtuai hăng Khua git gai wai lăng pơ ala mƀs gơnong yŭ India

Khua dêh čar ta rơkâo dua bơnah djă pioh dong hơdôm hơdră gum hrom, amăng anun hmâo hơdră pơkă Jơnum min pơlir Gong gai; pơtrut hloh dong bruă gum hrom hăng pơgang lŏn ia – rơnuk rơnua plơi pla, bôh thâo đưm, tuai čuă ngui, bơkơtuai mơnuih ƀôn sang, pơtô juăt, pơplih mrô, pơplih apui yua, bŏng glăi hăng pơplih ayuh hyiăng hăng gum hrom gah ia rơsĭ, ia jâu hyuh. Khua dêh čar ta čang rơmang India djru dong, ngă gal brơi dong kơ mơnuih hăng anom bơwih ƀong Việt Nam dô̆ hơdip mơda, hrăm bruă, mă bruă ƀơi dêh čar India./.

Siu H’ Prăk: Pơblang