Khul mơnuih Việt Nam ƀơi Hà Lan hmâo rơbêh kơ 25 rơbâo čô mơnuih glăk dô̆ hrăm bruă, hơdip mơda, mă bruă, mut hrom klă, hmâo tơlơi hơdip mơda hơđong hăng dưi hmâo gong gai ƀơi Hà Lan pơsit klă. Khua dêh čar ta pơsit yôm bôh than mơng Khul mơnuih Việt Nam ƀơi Hà Lan - sa khul mơnuih lu ƀơi kual Mi Kô̆. Neh wa gum hrom hơbit, pơlir hơbit amăng khul; jing jơlan tô nao rai yôm phăn, djru lăi pơhư̆č hăng ba gơnam Việt Nam mut amăng anih sĭ mơdrô dêh čar Hà Lan hăng hơdôm bôh dêh čar kual Mi Kô̆ pơkon.

Mơ-ak yua kơ neh wa hmâo pơdŏng laih Khul mơnuih Việt Nam ƀơi Hà Lan, Khua dêh čar čang rơmang pơdŏng dong hơdôm khul, grŭp pơkon kah hăng khul mơnuih bơwih ƀong, kơsem min bôh thâo phrâo... amăng khul mơnuih Việt Nam ƀơi Hà Lan. Lăi pơhing hăng neh wa kơ bruă pơgang, pơdŏng, pơđĭ kyar lŏn ia, Khua dêh čar ta brơi thâo, ră anai pơhrui glăi hơnong ñu rim akô̆ mơnuih mơng Việt Nam hmâo laih giăm truh 4.000 dolar Mi hăng GDP đơ đam dêh čar hmâo 400 klai dolar Mi. Lŏn ia ta akă hmâo djơ̆ ôh bôh than, anô̆ gal, pran gơgrong, anih dŏng hăng hmâo tơlơi đăo gơnang hăng jar kơmar kah hăng ră anai./.