Anom wai lăng pơjrao brơi kơ ling tơhan rơka ruă Nho Quan lĕ sa amăng 30 bôh anom pơjrao brơi kơ tơhan rơka ruă kraih amăng đơ đam dêh čar ta. 55 thun mă bruă, Anom hmâo tŭ mă, pơjrao brơi, rông ba rơbêh kơ 2 rơbâo wot čô ling tơhan rơka ruă kraih.

Ră anai, Anom glăk jing “sang hrŏm” mơng 68 čô ling tơhan rơka ruă, 23 čô mơnuih mă bruă amăng rơnuk blah wang hăng ană bă mơng gơñu djơ̆ jrao hret, 56 čô mơnuih hmâo tơlơi hơdip tơnap tap. Pơhiăp amăng ƀơi anai, Khua dêh čar ta, ơi Phạm Minh Chính ol kơdol pran jua lăi pơthâo hơdôm tơlơi ruă pran jua, rơngiă hĭ mơ̆ ƀing amĭ Việt Nam Sông kơtang hăng ling tơhan rơka ruă glăk glăm ba. Khua dêh čar ta čang rơmang ƀing amĭ, ƀing ling tơhan rơka ruă suaih pral, gơgrong kơdŏng glăi tơlơi rơka ruă, ngă gru ba jơlan pioh hơdôm rơnuk tơdơi hrăm tui./.