Khua dêh čar ta pơsit yôm tơlơi gir run, tơlơi ƀuh ƀô̆ mơ̆ng VinGroup, Vinfast ƀơi UAE djru pơtrut gum hrŏm kơplah wah dua bôh dêh čar hăng pơplih mơtah ƀơi kual Trung Đông, čang rơmang mơnuih ƀơi hơdôm bôh dêh čar kual Trung Đông amra đăo kơnang hăng mă yua djuai rơdêh đuăi hăng apui lơtrik mơ̆ng Vinfast.

Khua dêh čar cang rơmang VinGroup, hăng tơlơi dŏng yua kơ Gong gai hăng mơnuih ƀôn sang UAE, amra gum hrŏm klă hăng hơdôm bơnah gum hrŏm UAE gum hrŏm pơđĭ kyar anom mă yua, pơtrut pơplih mrô hăng pơđĭ kyar hơdôm bruă phrâo rŭ đĭ ƀơi Việt Nam. Khua dêh čar ta rơkâo bơnah UAE dŏng yua Vinfast lăi ha jăn hăng Việt Nam lăi hrŏm, gum hrŏm Việt Nam pơphun pok pơhai klă Tơlơi pơkôl CEPA hluai tui hơdôm rơwang bruă, gơnam tam rơđah, ba glăi bôh tơhnal rơđah; čang rơmang mơnuih ƀôn sang UAE kiăng khăp Việt Nam hăng gơnam ngă rai, gơnam sĭ mơdrô mơ̆ng Việt Nam./.