Pơhiăp amăng mông jơnum Khua dêh čar ta ơi Phạm Minh Chính rơkâo ƀing khua pơ ala đing nao bơkơtuai kơ Tơlơi lăi pơthâo glăi klah čun bruă mă mơ̆ng Khul wai lăng bruă bơkơtưn hăng apah bơni dêh čar thun 2024, pok pơhai bruă jao phun thun 2025; Bơkơtuai, gum pơhiăp bruă rơkâo đĭ pơsit anăn “Ling tơhan sông kơtang mơnuih ƀôn sang”, anăn “Mă bruă sông kơtang” kơ hơdôm khul grŭp, mơnuih.

Pơsit bruă bơkơtưn, apah bơni thun 2024; Khom črâo rơđah hơdôm bôh tơhnal, bôh than dưi ngă, hơdôm bruă akă dưi ngă, ngă akă giong; Pơsit rơđah tơhnal pơkă bruă mă, bruă jao phun thun 2025 hăng ba tơbiă hơdôm bruă jao, jơlan gah pơsir khom đing nao pioh pơđĭ kơjăp bruă hăng bôh tơhnal mơ̆ng bơkơtưn, apah bơni. Biă ñu, Khua dêh čar ta rơkâo hơdôm ƀirô pôr pơhing đing nao pôr pơhing kơtang tit hloh dong, kiăng bruă pơphun mut amăng mơnuih ƀôn sang. Thun 2024, Khua mir sir dêh čar, Khua dêh čar hmâo apah bơni laih giăm truh 95.000 grŭp, mơnuih hmâo bôh than prong amăng bruă pơphun bơkơtưn, amăng pơdŏng hăng pơgang lŏn ia./.