Amăng mông jơnum tal 12 Grŭp črâo ba, Khua dêh čar ta ơi Phạm Minh Chính hmâo jao laih 57 bruă kơ hơdôm ding jum, ƀirô, tơring čar, ƀôn prong, amăng anun hmâo 11 bruă hmâo hrơi blan pơkă. Hrŏm hăng anun, Khua dêh čar ta, ƀing Kơ-iăng Khua dêh čar hmâo laih 12 mơta hră pơ-ar črâo ba pok pơhai hơdôm bruă jao bơdjơ̆ nao hơdôm rơwang bruă, ring bruă.

Khua dêh čar brơi thâo, hmâo sa dua bruă jao glăk pok pơhai ngă tui akă giong, khom gir run dong, hrưn đĭ pioh dưi ngă djơ̆ tui tơhnal ba tơbiă, čơkă mơ-ak jơnum Ping gah hơdôm gưl, anăp nao Jơnum Ping gah đơ đam dêh čar tal 14, hơdor glăi 80 thun Hrơi pơdŏng dêh čar, 50 thun Hrơi Tlaih rơngai kual Dơnung dêh čar pơlir hơbit lŏn ia. Khua dêh čar ta rơkâo hơdôm ding kơna Grŭp črâo ba, ƀing khua pơ ala nao pơhmư̆ mông jơnum đing nao pel ĕp glăi, pơsit rơđah hơdôm bruă hmâo jao hăng pơsir, črâo ba, pơsir hơdôm tơlơi tơnap tơlơi gun, pơtrut rơnoh pok pơhai hơdôm rơwang bruă pơ̆ anăp anai./.