Ƀơi Hà Nội, Khua dêh čar ta, ơi Phạm Minh Chính git gai mông mă bruă kơplah wah Gŏng gai dêh čar hăng Grŭp mă bruă Khul bơwih ƀong găp ƀrô hăng anet (SME) kơ tơlơi mă bruă mơng khul, khul bơwih ƀong SME hăng hơdôm jơlan gah pơtlaih tơnap kơ anom bơwih ƀong.

Tơdơi kơ hmư̆ tơlơi gum pơhiăp mơng Khul SME, hơdôm bôh anom bơwih ƀong hăng črăn lăi glăi, ba tơbiă jơlan gah mơng hơdôm ding jum, gơnong bruă hăng Khua mua hơdôm sang prăk, klah čun mông mă bruă, Khua dêh čar ta ơi Phạm Minh Chính pơtŏng sit Gong gai dêh čar dô̆ hmư̆ lăng, lăi pơthâo, gir run kiăng hmâo hơdôm jơlan pơsir pơtlaih tơlơi tơnap kơ anom bơwih ƀong, kah hăng ngă tui hơdôm hơdră bruă pơhrư̆i nô̆p prăk tuh jia apah lŏn, hrŏ trun mă jia, prăk apah; đing nao pơtlaih tơlơi tơnap, pơtrut hơdôm bruă sĭ hră pơkrem prăk anom bơwih ƀong, lŏn sang; pơtrut kơtang pơplih hơdră bruă čar, pơplih phrâo bruă tuh pơplai bơwih ƀong sĭ mơdrô; djru anom bơwih ƀong hơkrŭ glăi tañ, pơđĭ kyar kơjăp phik./.