Mơ-ak nao pơhmư̆ mông ngă Lơphet mă yua Sang adôh suang Hồ Gươm, Khua dêh čar ta, ơi Phạm Minh Chính lăi rơđah bruă tuh pơplai pơdŏng Sang adôh suang Hồ Gươm pơdah tơlơi đing nao pha ra mơ̆ng Ping gah Kông ang dêh čar ta, khua git gai Ding jum kông ang, Jơnum min mơnuih ƀôn sang ƀôn prong Hà Nội pioh kơ tơlơi pơđĭ kyar bôh thâo đưm, djru ngă tui hơdră pơtrun, jơlan gah mơ̆ng Ping gah, Kơnuk kơna gah bôh thâo đưm, adôh suang hăng pơdŏng plơi prong jưh jom Hà Nội “Văn hiến – Klă hiam – Phrâo rơnuk anai”.

Kiăng mă yua, ngă tui đut hlah bôh tơhnal ring bruă, Khua dêh čar ta rơkâo Ding jum kông ang črâo ba hmâo kơčăo bruă pioh wai lăng, mă yua bôh thâo phrâo, ba glăi bôh tơhnal pioh Sang adôh suang Hồ Gươm sit nik jing anih yôm phăn mơ̆ng khul Kông ang mơnuih ƀôn sang hăng plơi prong jưh jom Hà Nội; đing nao pơphun hơdôm bruă mă bôh thâo, adôh suang, jơnum djru kơ bruă kơđi čar mơ̆ng Ping gah, Kơnuk kơna, Ding jum Kông ang hăng ƀôn prong Hà Nội./.