Rơwang bruă tơdrŏn rơdêh por Gia Bình lĕ ring bruă pioh kơ tơlơi rơnuk rơnua – pơgang lŏn ia, djru ba glăi bôh tơhnal bruă git gai, črâo ba mơ̆ng khul tơhan Kông ang mơnuih ƀôn sang. Rơwang bruă hmâo rơwang prong phara prong, hmâo anih kiăng nao rơđah kual pơkă, hơdră dăp phara ha jăn, pơdah tơlơi djơ̆ phiăn pơkă, hơdeč hmar, phrâo rơnuk anai mơ̆ng khul Kông ang mơnuih ƀôn sang lăi hrŏm, khul Tơhan polih hơdec hmar lăi ha jăn. Biă ñu lĕ ring bruă hmâo bôh yua gru grua đưm, pơplih Tơlơi pơtrun pơsit mrô 12 mơ̆ng Ding jum kơđi čar, gru pơđom pioh ngă brơi khul Tơhan polih hơdeč hmar anăp nao tơpă rơnuk anai.

Pơhiăp amăng mông jơnum, Khua dêh čar ta ơi Phạm Minh Chính lăi rơđah, kông ang mơnuih ƀôn sang lĕ khul ba jơlan hlâo amăng pơgang rơnuk rơnua lŏn ia, pơgang hơđong, pơhlôm klă mơnuih mơnam, hrưn đĭ kơdŏng, pơgang hlôm hlâo ƀing ngă soh tơlơi phiăn gah rơnuk rơnua hơđong lŏn ia, hơđong, pơhlôm abih bang mơnuih mơnam. Amăng rơnuk phrâo, pơdŏng tơdrŏn rơdêh por Gia Bình jing sa črăn djơ̆ tui tơlơi kiăng pơjing khul kông ang pơplih phrâo, rơnuk anai amăng rơnuk phrâo hăng khom pơdŏng tơdrŏn rơdêh por Gia Bình tui jơlan gah mă yua dua mơta. Khua dêh čar ta rơkâo Ding jum Kông ang ngă tui hăng pran jua 3 hloh: pơkra pơdŏng tañ hloh, kơjăp hloh, hmâo nua rơgêh hloh hăng amăng rơwang 18 blan khom pơdŏng giong rơwang bruă./.