Čơkă mơ-ak hơdor glăi 80 thun Hrơi pơdŏng Khul ling tơhan mơnuih ƀôn sang Việt Nam, 35 thun Hrơi abih bang mơnuih ƀôn sang pơgang lŏn ia, mơguah lơ 19/12, Khua dêh čar ta ơi Phạm Minh Chính nao pơhmư̆ mông pok phun Pơdă prưng pơgang lŏn ia jar kơmar Việt Nam thun 2024 – bruă mă phun hăng jing tơlơi lăi rơđah hmâo bôh tŭ yua, tơhnal jar kơmar.

Pơhiăp amăng mông ngă lơphet pok phun hăng pơphun pơdă prưng, Khua dêh čar ta ơi Phạm Minh Chính lăi lĕ Pơdă prưng pơgang lŏn ia jar kơmar Việt Nam thun 2024 hmâo bôh tŭ yua phara, jing tơlơi pơdă prưng jar kơmar ƀuh rơđah hăng tơlơi pơhing “Rơnuk rơnua – Gum hrŏm – Pơđĭ kyar”, djru pơtrut pơtom hiăp hăng gum hrŏm pơgang lŏn ia amăng abih bang hơdôm bruă; yua kơ tơlơi rơnuk rơnua, hơđong, gum hrŏm hăng pơđĭ kyar ƀơi kual hăng ƀơi rŏng lŏn tơnah. Khua dêh čar pơtŏng sit, Việt Nam ngă tui ha sa jơlan hơdră pơtom hiăp “rơngai, gơgrong pô, pơplih lu mơta, lu bruă rô nao rai, jing gơyut klă, jing bơnah đăo kơnang hăng abih bang hơdôm bôh dêh čar hăng ding kơna klă, hmâo bruă gơgrong mơ̆ng jar kơmar./.