VOV4.Jarai - Lơ 5/7, ƀơi Ƀirô mă bruă Kơnuk kơna, Khua dêh čar ta ơi Phạm Minh Chính hiăp telephone hăng Khua dêh čar Hàn Quốc ơi Han Duck-soo. Amăng mông pơhiăp nao rai, dua gơñu tŭ ư sa dua bruă mă rơđah rơđông pơtrut pơđĭ kyar tơlơi rô nao rai dua bôh dêh čar pơ̆ anăp, gum hrom kơjăp pơphun ba glăi bôh tơhnal dơng hơdôm bruă mă hơdor glăi 30 thun pơdŏng bruă pơtom hiăp thun 2022; pok pơhai ba glăi bôh tơhnal hơdôm hơdră gum hrom dua bơnah hăng lu bơnah, pơtrut pơsur hơdôm bôh anom bơwih ƀong Hàn Quốc pok prong tuh pơplai ƀơi Việt Nam.

Bơkơtuai kơ tơlơi Ia Rơsĭ Ngŏ, dua bơnah lăi pơthâo tơhnal lăng hrom kơ djă pioh tơlơi rơnuk rơnua hơđong, pơhlôm rơnuk rơnua, pơhlôm klă, tơlơi dưi rô nao rai ƀơi ia rơsĭ gah Ngŏ, pơsir hơdôm tơlơi bơrơsua ƀơi ia rơsĭ hăng tơlơi mơ-ak klă, pơhlôm hơdôm tơlơi dưi, bôh tŭ yua lăp djơ̆ mơng hơdôm bôh dêh čar djơ̆ hăng tơlơi phiăn jar kơmar, amăng anun hmâo Tơlơi pơkôl Sang gum hơbit djop dêh čar kơ Tơlơi phiăn Ia Rơsĭ (UNCLOS) 1982./.

Siu H’ Prăk: Pơblang