Čơtlăm lơ 2/7, amăng rơwang tal nao čuă sit nik dêh čar Hàn Quốc, Khua dêh čar ta ơi Phạm Minh Chính hmâo ră ruai hăng Khua mir sir dêh čar Hàn Quốc ơi Yoon Suk Yeol. Khua dêh čar ta ơi Phạm Minh Chính lăi pơthâo laih hăng Khua mir sir dêh čar Hàn Quốc ơi Yoon Suk Yeol kơ hơdôm bôh tơhnal yôm phăn mơ̆ dua bơnah hmâo mă amăng bruă bơkơtuai kơplah wah dua khua dêh čar.

Khua dêh čar ta ơi Phạm Minh Chính ăt rơkâo mơn dua bơnah djă pioh dong hăng kơtưn hơdôm bruă pơplih čuă nao rai grŭp khua mua gưl dlông hăng hơdôm gưl; ngă tui na nao hơdôm hơdră pơkă gum hrŏm hmâo ră anai amăng bruă pơtom hiăp, pơgang lŏn ia hăng rơnuk rơnua plơi pla, lăp djơ̆ hăng bruă gum hrŏm abih bang pơhlôm. Dua gơñu tŭ ư gum hrŏm kơjăp ngă brơi bruă bơwih ƀong nao rai dua bơnah mut dơlăm, ba glăi bôh tơhnal sit nik, mơ̆ng anun djru ngă giong tơhnal pơkă sĭ mơdrô nao rai dua bơnah hmâo 100 klai dolar Mi amăng thun 2025 hăng anăp nao tơhnal pơkă 150 klai dolar Mi amăng thun 2030./.