Khua dêh čar ta ơi Phạm Minh Chính lăi rơđah Việt Nam tŭ ư ha sa ngă tui hơdră bruă pơtom hiăp rơngai, gơgrong pô, pơplih phrâo lu bơnah, jing gơyut, jing bơnah gum hrŏm đăo kơnang, jing ding kơna hmâo bruă gơgrong mơ̆ng khul jar kơmar yua kơ tơlơi rơnuk rơnua, gum hrŏm pơđĭ kyar ƀơi kual hăng ƀơi rŏng lŏn tơnah; lăng yôm hăng čang rơmang hrŏm hăng Japan pok pơhai sit nik, ba glăi bôh tơhnal rơwang bruă gum hrŏm abih bang yua kơ tơlơi rơnuk rơnua hăng pơdrŏng asah ƀơi kual ASIA hăng ƀơi rŏng lŏn tơnah.
Amăng mông bưp, dua bơnah hmâo lăi pơthâo nao rai kơ tơlơi rŏng lŏn tơnah hăng amăng kual. Dua bơnah lăi rơđah tơhnal yôm phăn mơ̆ng pơhlôm rơnuk rơnua, pơhlôm abih bang, rô nao rai mơ-ak ƀơi jơlan Ia Rơsĭ Ngŏ, pơsir djop tơlơi bơrơsua hăng jơlan rơnuk rơnua hluai tui tơlơi phiăn jar kơmar, biă ñu Phiah phiăn Sang gum hơbit djop dêh čar hăng Tơlơi pơkôl mơ̆ng Sang gum hơbit djop dêh čar kơ Tơlơi phiăn Ia Rơsĭ (UNCLOS) thun 1982./.
Viết bình luận