Khua dêh čar bơni kơ bôh tơhnal Jơnum pok pơhai Tơlơi pơkôl kơčăo bruă gum hrŏm kơplah wah Việt Nam – Lao thun 2024 hăng pel ĕp pơtrut Tơlơi pơkôl gum hrŏm dua bơnah Việt Nam – Lao rơwang 2021-2025; pơsit yôm bruă mă mơ̆ng Jơnum min gum hrŏm dua bôh dêh čar hmâo gir run, gum hrŏm hăng hơdôm bôh ƀirô apăn bruă dua bơnah amăng 6 blan akô̆ thun 2024 pơtlaih lu tơlơi tơnap, tơlơi gun ƀơi hơdôm rơwang bruă gum hrŏm phun, pơtrut gum hrŏm amăng lu bruă.

Khua dêh čar rơkâo Gong gai dêh čar Lao khom pơplih phrâo bruă tuh pơplai bơwih ƀong sĭ mơdrô, pơsir hmao tlôn hơdôm tơlơi gun mơ̆ng anom bơwih ƀong Việt Nam tuh pơplai ƀơi dêh čar Lao; pơplih phrâo hră pơ-ar, djru ngă gal brơi amăng bruă pok pơhai hơdôm rơwang bruă ngă tui hăng pok pơhai hơdôm rơwang bruă phrâo, đing nao amăng hơdôm bruă kah hăng apui yua, anih anom mă lŏn čuah, hyu mă, pơkra lŏn čuah, đang hmua, tuai čuă ngui, pơtô pơhrăm...