VOV4.Jarai - Mơguah lơ 15/5, yap tui mông ƀơi dêh čar Mi, pơ̆ ƀôn prong New York, dêh čar Mi, Khua dêh čar ta ơi Phạm Minh Chính tŭ jum ơi Charles Kaye, Khua Grŭp Warburg Pincus – lĕ sa amăng hơdôm keh prăk tuh pơplai mơnuih ƀôn sang sui thun hloh hăng prong hloh ƀơi đơ đam rŏng lŏn tơnah.

Amăng mông tŭ jum, Khua Grŭp pơsit kơ abih bang, anih anom bơwih ƀong sĭ mơdrô prong jai hrơi jai hơđong mơng Việt Nam gêh gal kơ hơdôm mơnuih tuh pơplai mơng dêh čar tač rơngiao. Khua dêh čar ta rơkâo Grŭp kơsem min pok prong dong tuh pơplai ƀơi Việt Nam hăng bơnah kiăng tuh pơplai prong ƀơi rŏng lŏn tơnah amra jing glông tô pioh ba mơnuih tuh pơplai dêh čar Mi lăi ha jăn hăng mơnuih tuh pơplai mơng dêh čar tač rơngiao lăi hrom rai tuh pơplai ƀơi Việt Nam. Khua dêh čar ta rơkâo dua bơnah ngă tui tơlơi găn rơgao gum hrom amăng lu thun rơgao, pok pơhai hơdôm bruă gum hrom tui jơlan gah ngă gêh gal hră pơ-ar, mut nao jơlan phun, ba glăi bôh tơhnal prong hloh, bơdjơ̆ nao klă bruă lar hyu./.

Siu H’ Prăk: Pơblang