VOV4.Jarai - Tlam lơ 15/3/2022, ƀơi Ƀirô kơnuk kơna, Khua dêh čar ơi Phạm Minh Chính hơmâo mông bưp ơi Julius Maada Bio, Khua mir sir dêh čar Sierra Leone. Khua dêh čar ta lăng yôm hơdôm tơlơi yak nao phrâo kiăng kơ ngă mơ-ak tơlơi rô nao rai dua bơnah. Dua boh dêh čar dŏ lu tơlơi dưi kiăng kơ hrưn đĭ klă dong bruă ngă hrŏm, biă mă ñu lĕ amăng bruă sĭ mơdrô, tuh pơ alin, ngă hmua, boh thâo măi mok, pơtô pơjuăt, pơhlôm rơnuk rơnua, pơbưp nao rai mơnuih ƀon sang…

Khua dêh čar ơi Phạm Minh Chính tŭ jum khua dêh čar Sierra Leone

Khua dêh čar rơkâo djop ding jum, gơnong bruă, anom bơwih ƀong sĭ mơdrô dua bơnah kiăng gum hrŏm kjăp, pok pơhai tŭ yua hloh hơdôm tơlơi pơkôl ngă hrŏm amăng djop mơta bruă hơmâo tơlơi gal, ngă akŏ kiăng pok prong nao hơdôm bruă pơkŏn dong. Khua dêh čar ơi Phạm Minh Chính hăng Khua mir sir Julius Maada Bio čang rơmang tơlơi rô nao rai giang mah hăng ngă hrŏm kơplah wah Việt Nam hăng Sierra Leone amra ƀu pơdơi pơđĭ kyar hiam klă yua kơ tơlơi dưi mơnuih ƀon sang dua bơnah, tơlơi rơnuk rơnua hăng pơđĭ kyar amăng kual hăng jar kmar.

Siu Đoan: Pơblang