Amăng mông tŭ jum, Khua dêh čar mơ-ak lăng ƀuh tơlơi rô nao rai gum hrŏm abih bang Việt Nam – Japan pơđĭ kyar kơtang, ba glăi bôh tơhnal, sit nik amăng djop bruă, hăng tơlơi đăo kơnang bruă kơđi čar. Japan jing bơnah bơwih ƀong yôm phăn ba jơlan hlâo mơ̆ng Việt Nam, jing bơnah djru prăk ODA hăng bơnah gum hrŏm mơnuih mă bruă tal sa, pô tuh pơplai tal 3, bơnah sĭ mơdrô nao rai gơnam tam hăng tuai čuă ngui tal 4 mơ̆ng Việt Nam.

Pơ̆ anăp anai, kiăng djru brơi tơlơi rô nao rai gum hrŏm abih bang Việt Nam – Japan jai hrơi jai mut dơlăm, sit nik, abih bang, Khua dêh čar ơi Phạm Minh Chính rơkâo tơring čar Yamagichi pơtrut gum hrŏm hăng tơring čar Bình Dương hăng hơdôm anih anom pơkon mơ̆ng Việt Nam kơ bơwih ƀong, sĭ mơdrô, tuh pơplai, pơsur hơdôm anom bơwih ƀong mơ̆ng tơring čar pok prong tuh pơplai, kơtưn blơi mut gơnam tam, biă ñu hơdôm gơnam yôm mơ̆ng Việt Nam./.