![VOV/Siu H' Prăk pơblang](/themes/custom/vov_4/images/avatar.png)
Khua dêh čar ta lăi rơđah, Việt Nam lăng yôm na nao pơđĭ kyar tơlơi rô nao rai gum hrŏm hăng New Zealand. Pơ̆ anăp anai, Khua dêh čar rơkâo dua bơnah pok pơhai klă, pơplih phrâo rơđah tơlơi pơkôl gưl dlông hăng hơdôm rơwang bruă, jơlan hơdră gum hrŏm, djru ngă brơi tơlơi rô nao rai dua bôh dêh čar truh tơhnal glông phrâo; kơtưn hăng bruă hmâo dô̆ lu, tañ ba glăi prăk sĭ mơdrô nao rai gơnam tam dua bơnah hmâo 3 klai dolar Mi amăng 2 thun pơ̆ anăp.
![Khua dêh čar ta ơi Phạm Minh Chính tŭ jum Kơ-iăng Khua dêh čar, Khua Ding jum pơtom hiăp dêh čar Zealand Winston Peters (Rup: Dương Giang/TTXVN)](https://vov4-media.solidtech.vn/sites/default/files/styles/large/public/2024-06/thu-tuong-tiep-bo-truong%20New%20Zealand.jpg)
Dua bơnah tŭ ư gum hrŏm kơjăp dong hăng dŏng yua klă tơdruă hơdôm bruă bơkơtuai lu bơnah; tŭ ư gum hrŏm ba glăi bôh tơhnal amăng rơwang Việt Nam gơgrong bruă dêh čar git gai tơlơi rô nao rai ASEAN – New Zealand (7/2024-7/2027). Lăi pơthâo nao rai kơ Ia Rơsĭ Ngŏ, dua bơnah tŭ ư dŏng yua tơlơi pơmin mơ̆ng ASEAN kơ tơlơi Ia Rơsĭ Ngŏ, pơsir hơdôm tơlơi hmâo hăng jơlan mơ-ak klă hluai tui tơlơi phiăn jar kơmar, amăng anun hmâo UNCLOS 1982, pơhlôm klă, rơnuk rơnua, rô nao rai ƀơi ia rơsĭ hăng gah rơhuông adai mơ-ak gah Ia Rơsĭ Ngŏ./.
Viết bình luận