Khua dêh čar ta ơi Phạm Minh Chính pơtŏng sit Việt Nam amra pơsir hơdôm tơlơi bơrơsua jar kơmar hăng hơdôm bơnah gum hrom dêh čar tač rơngiao ƀơi hơdôm bôh ƀirô ngă gŏng jơlan, pơsir kơđi hăng ngă gong jơlan jar kơmar lăp djơ̆ hăng tơlơi phiăn jar kơmar hăng pơhlôm lăp djơ̆ hăng bôh tŭ yua mơng hơdôm bơnah.

Khua dêh čar rơkâo PCA hluai tui Anom bruă pơ ala ƀơi Hà Nội amra djru klă, lăi pơthâo klă kơ Việt Nam kơ tơlơi găn rơgao pơsir hăng hơdôm tơlơi gah kual lŏn, bơwih ƀong, sĭ mơdrô...; hrom hăng anun rơkâo PCA ngă gal brơi kơ tŭ jum mơnuih Việt Nam mut mă bruă ƀơi PCA. Khua čih pioh Marcin Czepelak bơni kơ Khua dêh čar hăng Kơnuk kơna Việt Nam lăng ba, pioh ngăn rơnoh djru PCA pok Anom mă bruă PCA ƀơi Hà Nội, Khua čih pioh pơtŏng sit amra gum hrom kơjăp hăng hơdôm Ding jum, gơnong bruă bơdjơ̆ nao, pok pơhai lu bruă mă pơtô juăt, pơđĭ tui bôh thâo, ruah mơnuih juăt bruă Việt Nam kơ bruă mă mơng Anom bruă PCA ƀơi Việt Nam./.