VOV4.Jarai - Kơ-iăng Khua dêh čar ta ơi Phạm Bình Minh phrâo kĭ kông điêng kơ bruă pơtrut tañ rơnoh ngă tui hăng pơsir prăk ODA, prăk čan mă kmlai ƀiă dêh čar tač rơngiao. Kông điêng lăi rơđah: Ră anai, tơlơi klin Covid-19 ngă phun ñu dưi wai lăng amăng đơ đam dêh čar. Bruă pơtrut pơsir prăk tuh pơplai bruă hrom, amăng anun hmâo prăk ODA, prăk čan mă kơmlai ƀiă mơng dêh čar tač rơngiao (ODA) dưi lăng kah hăng sa amăng hơdôm jơlan pơsir yôm phăn kiăng hơkrŭ glăi bơwih ƀong, ngă tui truh kih tơhnal pơkă pơđĭ kyar bơwih ƀong – mơnuih mơnam thun 2022. Kiăng pơtrut tañ rơnoh ngă tui hăng pơsir prăk ODA kiăng pơđĭ tui bôh tŭ yua mă yua hăng djru yôm phăn amăng hơkrŭ hăng pơđĭ kyar bơwih ƀong, hrưn đĭ mrô prăk pơsir mơng ODA thun 2022 hmâo abih bang kơčăo bruă, Khua dêh čar ta rơkâo hơdôm ding jum, Ƀirô Kơnuk kơna hăng tơring čar, ƀôn prong lăi pơthâo abih tơpă hơdôm Tơlơi pơtrun pơsit mơng Ping gah, Khua pơ ala mơnuih ƀôn sang, Gong gai dêh čar hăng tơlơi črâo ba Khua dêh čar kơ pơtrut kơtang pơsir prăk tuh pơplai bruă hrom lăi hrom, ODA lăi ha jăn; lăng bruă pơsir prăk ODA lĕ sa amăng hơdôm bruă mă kơđi čar phun mơng thun 2022 hăng hơdôm thun tô̆ tui./.

Siu H’ Prăk: Pơblang