VOV4.Jarai - Khua dêh čar ta ơi Phạm Minh Chính phrâo kĭ Kông điêng kơ bruă tlâ̆o vaccine pơgang klin tañ hăng pơtrut ngă tui hơdôm bruă pơgang klin Covid-19. Amăng kông điêng lăi rơđah: Ƀơi anăp hơdôm tơlơi pơplih phrâo mơng klin Covid-19 pơ̆ ƀôn prong Hà Nội hăng sa dua anih anom, biă ñu amra gluh đĭ yua djuai Omicron phrâo, kiăng ngă tui ba glăi bôh tơhnal dong hơdôm bruă pơgang, pơgăn klin, biă ñu amăng tal Tết Nhâm Dần, Khua dêh čar ta rơkâo Khua črâo ba bruă pơgang, pơgăn klin Covid-19, Khua Jơnum min mơnuih ƀôn sang tơring čar, ƀôn prong đing nao črâo ba ngă tui tơpă, khŏp hơdôm bruă pơgang, pơgăn klin tui djơ̆ hơdôm tơlơi črâo ba mơng Kơnuk kơna, Khua dêh čar ta, Grŭp črâo ba bruă pơgang, pơgăn klin Covid-19 dêh čar ta, biă ñu bruă 5 mơta pơgang hlôm hlâo klin ngă hăng biă ñu pơđĭ tui tơlơi pơmin mơnuih ƀôn sang pơgang tơlơi suaih pral kơ drơi pô, kơ sang anô̆, kơ plơi pla hăng hơdôm bruă bŏng glăi hăng klin pơplih kơman Omicron, ƀu dưi lui raih, khom kơđiăng; kơtưn bruă pơjrao ƀơi sang tui tơlơi črâo ba tŏng ten, kơjăp mơng Ding jum ia jrao pioh kơ mơnuih ƀă Covid-19 rơnang hăng ƀu ƀuh pơdah gah rơngiao./.

Siu H’ Prăk: Pơblang