VOV4.Jarai - Khua dêh čar ta pơsit ngă tui tơlơi phiăn pơkă brơi pơdơi ngă Khua tơring čar Gialai Võ Ngọc Thành hăng lăi pơhuĭ hăng ƀing Kơ-iăng Khua tơring čar: Đỗ Tiến Đông, Hồ Phước Thành, Kpă Thuyên hăng Kơ-iăng Khua hơđăp tơring čar Nguyễn Đức Hoàng.

Kơ-iăng Khua dêh čar ơi Phạm Bình Minh hmâo kĭ mă yua laih Tơlơi pơsit mơng Khua dêh čar pơsir kơđi hăng hơdră brơi pơdơi ngă Khua Jơnum min mơnuih ƀôn sang tơring čar Gialai rơwang bruă 2021-2026 hăng sut hlao kơnuih Khua Jơnum min mơnuih ƀôn sang tơring čar Gialai rơwang bruă 2021-2026 hăng ơi Võ Ngọc Thành yua kơ hmâo hơdôm tơlơi ngă soh, ƀu klă amăng bruă mă hăng Grŭp git gai Ping gah hmâo pơsir laih tui phiăn ping gah. Grŭp git gai Ping gah pơsit lăi pơhuĭ Grŭp mă bruă Ping gah Jơnum min mơnuih ƀôn sang tơring čar Gialai rơwang bruă 2016-2021; Jăm Grŭp mă bruă Ping gah Jơnum min mơnuih ƀôn sang tơring čar Gialai rơwang bruă 2021-2026. Hlâo adih, amăng tal jơnum lok 18 pơphun lom lơ 10 hăng lơ 11/8/2022, Jơnum min pel ĕp kơđi tơlơi dêh čar ta hmâo pơsit hơdră pơsir kơđi hăng ƀing ngă soh bơdjơ̆ nao rơwang bruă tơdron pah golf Đăk Đoa ƀơi tơring čar Gialai./.

Siu H’ Prăk: Pơblang