Amăng mông tŭ jum, Khua dêh čar ta mơ-ak dưi bưp Khua anih jưh ƀrô djơ̆ tal Khua dêh čar prăp lui či nao čuă sa dua bôh dêh čar ƀơi kual Mi Kô̆ hăng nao pơhmư̆ bruă Jơnum gưl dlông hơdor glăi 45 thun tơlơi rô nao rai ASEAN – EU – gru pơđom yôm phăn amăng bruă pơtom hiăp ASEAN – EU.

Khua dêh čar ta lăi pơhing kơ tơlơi bơwih ƀong – mơnuih mơnam 11 blan akô̆ thun, hơdôm bôh than dưi ngă mơng bruă pơplih phrâo ăt kah hăng hơdôm tơhnal pơkă pơđĭ kyar bruă khom ngă mơ̆ Jơnum prong Ping gah đơ đam dêh čar tal 13 ba tơbiă, Khua dêh čar pơtŏng sit Việt Nam ha sa ngă tui jơlan gah pơtom hiăp rơngai, gơgrong pô, pơplih lu bơnah, lu mơta; mut hrom dơlăm prong klă hăng jar kơmar, sit nik, ba glăi bôh tŭ yua... Khua dêh čar rơkâo dua bơnah gum hrom kơjăp dong kiăng ngă tui ba glăi bôh tơhnal Tơlơi pơkôl sĭ mơdrô mơ-ak klă EVFTA hăng pơtrut klă hơdôm bôh dêh čar ding kơna EU dô̆ glăi tañ pơsit Tơlơi pơkôl pơgang ba tuh pơplai EVFTA; pơtrut kơtang gum hrom sĭ mơdrô - tuh pơplai pơhlôm tŭ yua klă, bưp tơnap gum nao rai, hơdai bơ truh kih; tô̆ tui dong jơlan hơdră, rơwang bruă gum hrom pơđĭ kyar kơ Việt Nam./.