Amăng mông bưp, Khua dêh čar ơi Phạm Minh Chính pơpŭ bơni Kơnuk kơna hăng mơnuih ƀôn sang India kơ pran khăp pap brơi kơ Khua git gai Ping gah dêh čar ơi Nguyễn Phú Trọng; lơm pơkiăo nao ƀing khua mua rai mơyut jôk hăng Ƀirô Khua pơ ala mơnuih ƀôn sang dêh čar India hơmâo pioh mông hơ-ŭ hơdor kơ Khua git gai Ping gah amăng lơ 22/7 laih rơgao. Tơlơi anai pơdah pran khăp pap mơng gơyut gơyâo kiăng khăp ƀu-eng, kah hăng gru grua yôm kơplah wah dua boh dêh čar Việt Nam -India.

Khua dêh čar ơi Phạm Minh Chính rơkâo dua bơnah tŏ tui gum hrŏm ba tơlơi rô nao rai ngă hrŏm yôm phăn djop mơta Việt Nam-India pơđĭ kyar kơtang ƀiă dong hăng lăi pơtong, ngă hrŏm amăng bruă boh thâo ia rơgơi, dăng kông, boh thâo măi mok phrâo lĕ hơdôm bruă hơmâo lu tơlơi dưi, kiăng đing nao pơtrut ƀiă dong.