VOV4.Jarai - Mơguah lơ 22/7, Khua dêh čar ơi Phạm Minh Chính tŭ jum ơi Meada Tadashi, Khua Khul git gai Sang bruă prăk ngă hrŏm jar kmar Japan (JBIC). Amăng mông bưp, Khua dêh čar pơsit tong Việt Nam lêng kơ lăng Japan lĕ dêh čar ngă hrŏm yôm phăn, sui thun, dong yua Japan pơgôp amăng bruă pơhlôm rơnuk rơnua, ngă hrŏm hăng pơđĭ kyar amăng kual hăng jar kmar, ba tơlơi rô nao rai kơplah wah dua boh dêh čar yak nao rơwang pơđĭ kyar phrâo anăp nao tal hơdor glăi 50 thun akŏ pơjing tơlơi rô nao rai pơtom hiăp amăng thun 2023. Khua dêh čar lăi pơtong, sa amăng hơdôm tơlơi đing nao hloh mơng dua bơnah lĕ pơtrut ngă hrŏm amăng bơwih ƀong huă, pơgăn prăk kak rơngiă nua, ngă gêh gal brơi tuh pơ alin bơwih ƀong sĭ mơdrô…Pơ anăp anai, hăng pran jua “kiăng khăp, tơpă sit, đăo gơnang, tŭ yua”, Khua dêh čar rơkâo Japan hăng JBIC tŏ tui pơphô bruă, črâo ba hơdră bruă hăng Kơnuk kơna laih dong Khua pơ ala mơnuih ƀon sang dêh čar Japan; tŏ tui pơlăi nao rai hăng gum hrŏm kjăp hăng hơdôm anom bruă mơng Việt Nam kiăng kơ ĕp hơdră ngă hrŏm klă hloh, pơđĭ kyar dong tơlơi rô nao rai ngă hrŏm djop mơta kơplah wah Việt Nam - Japan pơ anăp anai.

Siu Đoan: Pơblang